У Беларусь разам з расійскімі войскамі завозяць боепрыпасы з Далёкага Усходу
Расійскія вайскоўцы ў Беларусі / Ваяр
У Беларусь разам з расійскімі войскамі завозяць боепрыпасы з арсеналаў, якія знаходзяцца ў Прыморскім краі РФ — на Далёкім Усходзе. На вагонах ёсць пазнакі "выбуховыя матэрыялы", піша @belzhd_live.
Адна з групаў згаданых вагонаў была дастаўлена пад Ніжні Ноўгарад, адкуль іх і адпраўляюць у РБ: прычапляюць па 2-3 вагоны да ваенных цягнікоў. Два такія вагоны з боепрыпасамі 17 кастрычніка прыбылі на станцыю Палонка ў Баранавіцкі раён.
У РБ адбываецца разгортванне "рэгіянальнай групоўкі войскаў" Беларусі і Расіі. Афіцыйна заяўляецца, што расійскіх вайскоўцаў прыбудзе да 9 тысяч чалавек.
