У Беларусі вынесены на грамадскае абмеркаванне новы спіс лекаў без рэцэпта
У Беларусі вынесены на грамадскае абмеркаванне новы спіс лекаў, якія прададуць у беларускіх аптэках без рэцэпта. Праект дакумента апублікаваны на сайце Міністэрства аховы здароўя. Як адзначае тэлеканал “Беларусь 1”, абноўлены пералік актуалізаваны з улікам наяўнасці або адсутнасці рэгістрацыі прэпаратаў і істотна не змяніўся ў параўнанні з папярэднім (ён абнаўляўся 5 гадоў таму). Спецыялісты кажуць, што чакаюць заўваг і прапаноў ад пастаўшчыкоў і ўрачоў, бо ў спісе прысутнічаюць медыцынскія прэпараты пад міжнароднымі непатэнтаванымі найменнямі незалежна ад іх гандлёвых назваў.
Заўвагі і прапановы Міністэрства аховы здароўя чакае да 16 чэрвеня. Спецыялісты падкрэсліваюць, што 60% ад усіх зарэгістраваных лекаў у Беларусі будуць адпускацца без рэцэпта.
