У чацвер разбежка ў тэмпературы паветра па Беларусі будзе ад –12 да +7

У бліжэйшыя суткі, 18 лютага, чакаецца хмарнае з праясненнямі надвор’е, пераважна без ападкаў. Толькі раніцай і ўдзень месцамі па захадзе пройдуць невялікія мокры снег і дождж. Уначы і раніцай у асобных раёнах магчымыя слабыя туман і шэрань.

На дарогах месцамі захаваецца галалёдзіца. Вецер прагназуецца паўднёва-ўсходні 5-10 метраў за секунду, па заходняй палове краіны парывы да 14 метраў за секунду.

Тэмпература паветра ўначы складзе 2-8 градусаў марозу, па паўночным усходзе пры праясненнях — 9-12 градуса ніжэй за нуль, удзень чакаецца ад мінус 2 да плюс 4 градусаў. У паўднёва-заходніх раёнах уначы будзе каля нуля, а ўдзень — 5-7 градусаў цяпла, перадае БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджання і маніторынгу навакольнага асяроддзя Мінпрыроды.