У Гомелі мужчына зацягнуў у пад'езд каня — хацеў здзівіць сына
Мужчына заводзіць у пад'езд каня / @reverse_side2022
У Гомелі падвыпіўшы мужчына вырашыў парадаваць двухгадовага сына ў Дзень нараджэння, прывёўшы дадому каня, піша мясцовае выданне "Адваротны бок". Жывёла зайшла ў пад'езд і нават змагла забрацца на другі паверх шматпавярхоўкі, але ў кватэру так і не патрапіла — жонка не ацаніла творчага парыву мужа.
"Белта" піша, што сям'ю ўжо наведала міліцыя. Праваахоўнікі звяртаюць увагу, што такія дзеянні могуць прыводзіць да траўм як жывёл, так і людзей.
