У Горках у прадпрымальніка канфіскавалі вопратку на 181 млн
Ён прадаваў яе без адпаведных дакументаў.
У Горках у 46-гадовага індывідуальнага прадпрымальніка канфіскавалі партыю вопраткі. Ён прадаваў яе ў гандлёвым павільёне без неабходных дакументаў. Парушэнне выявілі супрацоўнікі аддзела па барацьбе з эканамічнымі злачынствамі мясцовай міліцыі і падаткавікі.
Як інфармуе прэс-служба МУС, паводле рашэння эканамічнага суда Магілёўскай вобласці, вопратка на суму 181,5 млн рублёў накіравана ў даход дзяржавы.
Фота: Fotolia