У Гродне ліквідавалі клуб, які рыхтаваў да паступлення ў сілавыя ВНУ

У Гродне ліквідавалі абласны спартыўна-патрыятычны клуб "Гонар Радзімы". Як піша ТГ-канал hrodnalike, такое рашэнне прыняў Гродзенскі абласны суд. 

Прычынай сталі не ліквідаваныя своечасова парушэнні ў дакументацыі. 

Цікава, што арганізацыя займалася падрыхтоўкай дзяцей да паступлення ў вайсковыя і міліцэйскія ВНУ. Таксама там адбываліся сустрэчы з ветэранамі АМАП і спецназу. 

У Мінску ж ліквідуюць таварыства абароны помнікаў тэхнікі і транспарту "Наша Перамога". Гэтая грамадская арганізацыя займалася аднаўленнем і захаваннем рэтра-аўтамабіляў. Яна здавала свае аўто і матацыклы "Беларусфільму" для здымкаў. Таксама чальцы арганізацыі хацелі стварыць у Мінску музей старой тэхнікі пад адкрытым небам. 

Ліквідацыя грамадкіх арганізацый у Беларусі адбываецца з ліпеня 2021 года. З гэты час былі зачыненыя або знаходзяцца ў стадыі закрыцця некалькі соцень арганізацый.