У Гродне забаранілі пікеты ў падтрымку палітвязняў, а заяўнікаў папярэдзілі
Заяўнікаў пікетаў у падтрымку беларускіх палітвязняў, што меліся адбыцца 25 лістапада ў Гродне, сёння выклікалі ў РАУСы розных раёнаў горада.
Заяўкі на пікеты падаваліся прадстаўнікамі Беларускага Хельсінскага камітэта, Партыі камуністаў беларускай і Аб'яднанай грамадзянскай партыі. Ніводнай акцыі ў Гродне не дазволілі. Падрабязнасці паведамляе наш карэспандэнт Сяргей Апановіч:
«У Ленінскім РАУС маёр Хілько, начальнік міліцыі грамадскай бяспекі правёў з актывістамі размову, падчас якой растлумачыў заяўнікам адказнасць за парушэнне грамадскага парадку.
Тых самых 9 чалавек праз дзве гадзіны выклікалі ў Кастрычніцкі РАУС, дзе на працягу гадзіны падпалкоўнік Чарняк тлумачыў хлопцам, каб яны не выходзілі на недазволеныя акцыі.
Як кажа адзін з ініцыятараў правядзення пікетаў у падтрымку палітвязняў прадстаўнік БХК Раман Юргель, акцыя ў Гродне будзе праведзеная ў іншым фармаце».
Заяўкі на пікеты падаваліся прадстаўнікамі Беларускага Хельсінскага камітэта, Партыі камуністаў беларускай і Аб'яднанай грамадзянскай партыі. Ніводнай акцыі ў Гродне не дазволілі. Падрабязнасці паведамляе наш карэспандэнт Сяргей Апановіч:
«У Ленінскім РАУС маёр Хілько, начальнік міліцыі грамадскай бяспекі правёў з актывістамі размову, падчас якой растлумачыў заяўнікам адказнасць за парушэнне грамадскага парадку.
Тых самых 9 чалавек праз дзве гадзіны выклікалі ў Кастрычніцкі РАУС, дзе на працягу гадзіны падпалкоўнік Чарняк тлумачыў хлопцам, каб яны не выходзілі на недазволеныя акцыі.
Як кажа адзін з ініцыятараў правядзення пікетаў у падтрымку палітвязняў прадстаўнік БХК Раман Юргель, акцыя ў Гродне будзе праведзеная ў іншым фармаце».
