У Магілёве пабудуюць футбольны манеж за 90 мільярдаў рублёў

Крыты футбольны манеж з'явіцца ў Магілёве ў 2012 годзе. Падрыхтоўчыя працы ўжо пачаліся ў раёне Зялёны гай, праектна-каштарысная дакументацыя гатовая.
Па папярэдніх разліках, будаўніцтва манежу абыдзецца ў 90 мільярдаў рублёў. Спартовы аб'ект будзе цалкам адпавядаць міжнароднаму ўзроўню.

Пры неабходнасці арэну можна трансфармаваць у канцэртную залу для правядзення культурна-масавых мерапрыемстваў, піша “Рэспубліка”.