У Магілёве з выбарчага ўчастка выдалілі назіральнікаў ад АГП

У Магілёве з выбарчага ўчастка, размешчанага ў мясцовай школе №17, выдалілі назіральнікаў ад Аб’яднанай грамадзянскай партыі. Як перадае Радыё Сабода са спасылкай на БелаПАН, Уладзіміру Грышанаву і Аляксандру Царуку інкрымінавалі парушэнне Выбарчага кодэкса.

Старшыня Магілёўскай абласной арганізацыі АГП Уладзімір Шанцаў называе гэта помстай за тое, што назіральнікі дапамагалі выкрываць выбарчыя “каруселі”.

Выбарчая камісія № 154 абвінаваціла Царука ў размовах з выбаршчыкамі. У сваю чаргу ў камісіі № 153 палічылі, што Грышанаў вёў відэаздымку. Пры гэтым Шанцаў сцвярджае, што Грышанаў мае “старамодны тэлефон”, у якім не прадугледжаная фукнцыя запісу відэа.

Ва ўчастковых камісіях настойваюць, што парушэнні ўсё ж былі, а назіральнікі не зрэагавалі на заўвагі.