У Міхаіла Гуцэрыева — сябра Лукашэнкі — забралі грамадзянства Кіпра
Сябра Лукашэнкі Міхаіла Гуцэрыева і яшчэ траіх расійскіх алігархаў пазбаўляюць кіпрскага грамадзянства. Таксама ўлады Кіпра пазбавілі грамадзянства і сем’і алігархаў, піша Philenews.
Паведамляецца, што пад санкцыі, акрамя Гуцэрыева, трапілі Аляксей Кузьмічоў, Вадзім Машковіч і Аляксандр Панамарэнка.
Грамадзянства Кіпра зручнае для алігархаў: уклаўшы ў эканоміку вострава 2,2 мільёна еўра, можна атрымаць яго ўсяго за 6 месяцаў (замест 10 гадоў звычайнай працэдуры). Яно дае бязвізавы рэжым для падарожжаў, пражывання і працы ў любой краіне Еўрасаюза, падатковыя льготы ды іншыя перавагі.
