У Мінску за паўмесяца 259 пацярпелых ад галалёдных траўмаў
У Мінску за паўмесяца 259 пацярпелых ад галалёдных траўмаў. 18 з іх шпіталізавалі, паведамляе прэс-служба Міністэрства аховы здароўя. Агулам па краіне з 17 лістапада да 5 снежня зарэгістравалі 1166 пацярпелых ад галалёдных і халадовых траўмаў. 217 з іх — дзеці.
Найбольш пацярпела людзей у Віцебскай вобласці — 315 (33 чалавекі шпіталізаваны), у Брэсцкай — 45 (шпіталізавалі 12). У Мінскай вобласці 171 пацярпелы ад пераважна галалёдных траўмаў (22).
