У Мінску змагаюцца з нашэсцем баброў
Ствалы дрэў абмотваюць металічнай сеткай / zzr.by
У Мінску змагаюцца з нашэсцем баброў (у апошнія гады іх стала прыкметна больш). Спачатку яны пагрызлі дрэвы ў Цэнтральным раёне сталіцы, пасля іх дзейнасць заўважылі ў Чыжоўцы. Ствалы пашкоджаных дрэў для іх абароны абмотваюць металічнай сеткай, паведамляе minsknews.by.
Таксама ў Мінску адлоўліваюць баброў і вывозяць іх за межы горада.
У Мінпрыроды кажуць, што ў 2024 годзе было выдана каля 50 дазволаў на адлоў і здабычу баброў. У большасці выпадкаў іх лавілі ў Мінскай вобласці.
