У Мсціслаўскім раёне вырашылі ўсталяваць новы плот на мяжы з Расіяй
Новы плот каля мяжы з РФ / mstlife.by
У Мсціслаўскім раёне Магілёўскай вобласці вырашылі добраўпарадкаваць вёску Каськава, якая знаходзіцца каля мяжы з Расіяй. Атрымалася сімвалічная акцыя, якую прафінансаваў аблвыканкам. Гэта больш за 5 тысяч рублёў.
"Мы ўжо даўно запланавалі замяніць агароджу ля дарогі, размешчаную ў гэтым населеным пункце, — цытуе словы старшыні Сапрынавіцкага сельвыканкама Веры Агароднікавай раённая газета. — Хочацца, каб вёска, у якой засталося зусім няшмат жыхароў, выглядала дагледжана і прыгожа".
Агулам у памежнай вёсцы заменяць каля двухсот метраў плота. І спадзяюцца яшчэ знайсці грошы на яго афарбоўку.
