У Партугаліі каля супермаркета ўпаў лёгкаматорны самалёт, ёсць ахвяры
У Партугаліі каля супермаркета ўпаў лёгкаматорны самалёт, зарэгістраваны ў Швейцарыі. Здарэнне адбылося каля курортнага прыгарада Лісабона Кашкайшэ, загінулі 5 чалавек — пілот, трое пасажыраў і кіроўца грузавіка, які выгружаў тавары каля супермаркета. Сярод загінулых — трое грамадзян Францыі і адзін грамадзянін Швейцарыі, інфармуе “Бі-Бі-Сі”.
Вядома, што самалёт ляцеў у Марсэль. Ён пацярпеў катастрофу неўзабаве пасля ўзлёту. Прычына катастрофы пакуль невядомая.
