У пятніцу па ўсходзе Беларусі чакаюцца моцныя дажджы

Зранку і ўдзень у пятніцу, 20 траўня, па ўсходзе Беларусі чакаюцца працяглыя моцныя дажджы, а таксама моцны вецер парывамі да 15-20 метраў за секунду. Пра гэта інфармуе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя.

Сіноптыкі прагназуюць воблачнае надвор'е, па захадзе з праясненнямі. Пераважна па ўсходзе Беларусі пройдуць дажджы, зранку і ўдзень там чакаюцца працяглыя моцныя дажджы.

Вецер будзе паўночна-заходні 5-10 метраў за секунду. Зранку і ўдзень ва ўсходніх раёнах чакаюцца парывы ​​да 15-20 метраў за секунду.

Уначы тэмпература паветра будзе +3...+9, удзень прагназуецца ад 10 да 16 градусаў цяпла, па захадзе — да 20 градусаў вышэй за нуль.