У рудніку "Беларуськалія" захрасла кабіна з людзьмі — МНС
"Беларуськалій", ілюстрацыйнае фота
Пра надзвычайнае здарэнне на рудніку "Беларуськалію" паведамляе прэс-служба МНС.
На тэрыторыі другога рудаўпраўлення захрасла транспартная кабіна з людзьмі. Паводле папярэдніх звестак, у ёй пяць чалавек.
Двух чалавек удалося дастаць, паведамляе прэс-служба Мінздароўя. Дактары шпіталізавалі 32-гадовага мужчыну, у якога папярэдне дыягнаставалі пашкоджанне пазваночніка.
Другі пацярпелы — у больш цяжкім стане: яго вязуць у салігорскую ЦРБ. У яго, паводле папярэдняй інфармацыі, пералом пазваночніка і канечнасцяў.
Каля 20:00 у МНС паведамілі, што з клеці дасталі пяць работнікаў рамонтнай брыгады электраслесараў і падымаюць іх на паверхню.
