У сераду амаль па ўсёй Беларусі пройдуць дажджы, чакаецца моцны вецер
У сераду, 5 кастрычніка, сіноптыкі зноў аб'явілі аранжавы ўзровень небяспекі. Амаль па ўсёй Беларусі пройдуць дажджы, на поўдні нашай краіны — моцныя. Чакаецца моцны вецер — паўночна-ўсходні, 7-12 метраў за секунду, у многіх раёнах — з парывамі да 15-20 метраў.
Што да тэмпературы паветра, у начныя гадзіны будзе ад 4 да 10 градусаў са знакам плюс, у дзённыя гадзіны — плюс 9-14, у Гомельскай вобласці — да 16 градусаў цяпла, інфармуе БЕЛТА са спасылкай на Рэспубліканскі цэнтр па гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
