У сераду ў Беларусі чакаюцца навальніцы са шквалістым ветрам

У сераду, 13 ліпеня, у Беларусі чакаюцца навальніцы са шквалістым ветрам, моцныя залевы, у асобных раёнах — град. У чарговы раз абвешчаны аранжавы ўзровень небяспекі, інфармуе БЕЛТА са спасылкай на Рэспубліканскі цэнтр па гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Вецер будзе няўстойлівы 3-8 метраў за секунду. Пры навальніцах месцамі магчымае яго шквалістае ўзмацненне, парывамі да 15-20 метраў.

Што да тэмпературы паветра, то ў начныя гадзіны яна складзе 14-20 градусаў са знакам плюс, у дзённыя гадзіны — 23-29. У Гомельскай вобласці прагназуецца да плюс 30-34 градусаў, а вось у паўночна-заходніх раёнах нашай краіны будзе толькі 17-22 градусы цяпла.

Тарнада ў Шаркаўшчыне: сарваныя дахі, перакуленыя краны (фота, відэа)