У Версальскім палацы ў Парыжы здарыўся пажар
Пажар у Версальскім палацы / сацсеткі
Пажар адбыўся ў Версальскім палацы ў Парыжы. У сацсетках з'явіліся відэаролікі, як над будынкам падымаецца дым.
Калі спрацавала пажарная сігналізацыя, з палаца эвакуявалі некалькі соцень чалавек, перадае BFMTV. На месца здарэння прыбылі пажарныя, сотні людзей назіралі за падзеямі з-за агароджы палацава-паркавага комплексу.
Паводле Reuters, загарэлася частка страхі, дзе адбываўся рамонт. У прэс-службе комплексу кажуць, што пажар пачаўся ў Мармуровым двары, дзе размяшчалася каралеўская рэзідэнцыя. Пры інцыдэнце ніхто не пацярпеў, выстаўленыя экспанаты не пашкоджаныя.
Версальскі палац быў галоўнай рэзідэнцыяй каралёў Францыі ад Людовіка XIV да Людовіка XVI. У 1979 годзе яго ўключылі ў спіс Сусветнай культурнай спадчыны ЮНЕСКА.
