У Віцебску аўтамабіль збіў двух дзяцей

У аўторак, 1 жніўня, у Віцебску на праспекце Перамогі аўтамабіль збіў двух дзяцей. Здарэнне адбылося на нерэгуляваным пешаходным пераходзе. Хлопчыкі ва ўзросце 7-8 гадоў беглі праз дарогу. Дзве машыны спыніліся, а Kia, якая ехала па крайняй левай паласе, працягвала рух. Як інфармуюць у сацсетках відавочцы, у аднаго з хлопчыкаў разбітая галава, у іншага — пашкоджана нага. Шпіталізацыя спатрэбілася толькі першаму з іх.