У Віцебску прапаршчык падстрэліў салдата тэрміновай службы
Здарэнне адбылося падчас палявога выхаду на палігоне ў Віцебскім гарнізоне ў падраздзяленні сіл спецыяльных аперацый.
Як паведамляе прэс-служба Мінабароны, прапаршчык ненаўмысна выстраліў з пісталета ПМ. У выніку лёгкае раненне ў мяккія тканкі нагі атрымаў вайсковец тэрміновай службы.
Пацярпеламу неадкладна аказалі першую медычную дапамогу, і ён быў дастаўлены ў медустанову па месцы дыслакацыі вайсковай часці. Ніякай пагрозы для жыцця вайскоўца няма.
Падрабязнасці падзеяў высвятляе камісія Мінабароны.
Фота — copypast.ru
