Вецер і мокры снег — надвор'е на панядзелак 4 лістапада
Восень у Мінску / Еўрарадыё
У панядзелак 4 лістапада ў Беларусі будзе пахмурна. Па паўночным усходзе краіны пройдуць кароткачасовыя дажджы і мокры снег. Вецер будзе паўночна-заходнім умераным, але не выключаныя і моцныя парывы.
Уначы і раніцай верагодныя туманы. Тэмпература паветра ў цёмны час сутак складзе -3+3, удзень будзе ад 1-га да 8-мі цяпла.
Паводле слоў сіноптыка Дзмітрыя Рабава, кепскае надвор'е ў Беларусі ў найбліжэйшыя дні зменіцца на больш цёплае. Ападкаў стане менш, а тэмпература паветра павысіцца.
У сярэдзіне тыдня неба праясніцца, ападкі спыняцца. Нягледзячы на начныя замаразкі, днём будзе да +12-ці. Вецер зменіць напрамак на паўднёва-заходні. Пацяпленне працягнецца да наступнай нядзелі.
