Вось за які ўдар дыскваліфікавалі хакеіста мінскага "Дынама" (відэа)
Спартыўна-дысцыплінарны камітэт Кантынентальнай хакейнай лігі дыскваліфікаваў на адзін матч нападаючага мінскага "Дынама" Аляксандра Паўловіча. Прэс-служба лігі адзначае, што зварот паступіў ад Камісіі па экспертнай ацэнцы судзейства матчаў чэмпіянату КХЛ. Разглядаўся эпізод, які адбыўся на 49-й хвіліне нядаўняга гасцявога матчу дынамаўцаў з яраслаўскім "Лакаматывам". Паўловіч ударыў саперніка клюшкай паміж ног. Дарэчы, той паядынак "Дынама" сенсацыйна выйграла (2:1). Беларускі клуб па-ранейшаму аўтсайдэр канферэнцыі "Захад", а "Лакаматыў" — адзін з лідараў.
Паўловіч прапусціць гасцявы матч з "Северсталью", які пройдзе ў чацвер.
