За ліпень золатавалютныя рэзервы Беларусі выраслі на 33 мільёны долараў
Па стане на 1 жніўня міжнародныя рэзервовыя актывы Беларусі склалі 7 442,4 мільёна доляраў ЗША ў эквіваленце, паведамляе прэс-служба Нацбанка.
За ліпень ЗВР павялічыліся на 33 мільёны долараў (0,4%). Пры гэтым у чэрвені зніжэнне склала 353,7 мільёна долараў (4,6%).
Рост ЗВР у Нацбанку тлумачаць купляй замежнай валюты на таргах Беларускай валютна-фондавай біржы, паступленнем замежнай валюты ў бюджэт, а таксама павелічэннем кошту манетарнага золата.
За ліпень урад і Нацбанк выплацілі па знешніх і ўнутраных пазыках у замежнай валюце каля 427 мільёнаў долараў.
