ЖЭСы ў Мінску ліквідуюць, звольняць сотні чалавек
З 2015 года плануецца далучыць іх да ЖРЭА.
Гэта дазволіць скараціць колькасць кіраўнікоў і такім чынам умацаваць склад тэхнічных работнікаў з павелічэннем іх заробкаў. Як інфармуе тэлеканал "Беларусь 1", мяркуецца вызваліць ад пасады 560 чалавек, што зэканоміць больш за 40 мільярдаў рублёў за год.
Частка бухгалтараў, юрыстконсультаў, эканамістаў пяройдуць у вышэйшае аб'яднанне, частка будзе скарочана. Адзначаецца, што стварэнне адзінай жыллёвай службы знізіць падатковую нагрузку.
Фота — ria.ru
