Жыхарка Мазыра распыляла ў сталічных мінакоў пярцовы газ
Міліцыянты атрымалі некалькі заяваў, што ў Ленінскім раёне Мінска невядомая жанчына на вуліцы беспадстаўна распыляе ў твары мінакам газ з пярцовага балончыка.
Як піша "Звязда", адзін з пацярпелых мужчын паспрабаваў прасачыць за ёй, але неўзабаве страціў з-пад увагі.
Міліцыанты аператыўна затрымалі жанчыну. Выявілася, што гэта непрацуючая 35-гадовая жыхарка Мазыра. Прычыну сваіх дзеянняў жанчына патлумачыць міліцыянтам не змагла.
Дарэчы, напярэдадні яна сышла з дому ў Мазыры. Сваякі звярнуліся ў міліцыю з просьбай яе знайсці.
На жанчыну пачалі крымінальную справу за хуліганства.
