1 сакавіка ў Беларусі падаражэлі цыгарэты
1 сакавіка ў Беларусі падаражэлі некаторыя маркі цыгарэт, перадае БЕЛТА.
На 10 капеек выраслі кошты на некаторыя цыгарэты Kent і Vogue Гродзенскай тытунёвай фабрыкі "Нёман".
ТАА "Тытунь-Інвест" павысіў на 3-5 капеек цэны на некалькі відаў "Кароны", а Camel падаражэў на на 5-10 капеек. На 5 капеек больш давядзецца заплаціць за пачак некаторых відаў цыгарэт "Форт" і Monte Carlo, а цыгарэты Winston і Sobranie падняліся ў кошце на 10 капеек. LD Club Lounge сталі даражэйшымі на 10 капеек.
Таксама на 10 капеек выраслі кошты на некаторыя цыгарэты L&M, Marlboro і Parliament ад ТАА "Інтэр-Табака".
На 10 капеек падаражэлі некаторыя віды Dunhill і Vogue, якія імпартуе ў краіну "Беларусьгандаль".
Беларускія вытворцы і імпарцёры цыгарэт маюць права штомесяц мяняць рознічныя цэны на тытунёвыя вырабы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
