22-гадовы мінчук з нажом абрабаваў ламбард
Напад на ламбард / кадр з відэа
Зранку 16 студзеня ўзброены нажом нападнік абрабаваў ламбард на вуліцы Прытыцкага ў Мінску, паведамляе Следчы камітэт.
Мужчына зайшоў у ламбард і, пагражаючы нажом, запатрабаваў аддаць яму грошы. Работніца адмовілася аддаваць выручку і стала супраціўляцца.
Траўмаваўшы дзяўчыну, нападнік забраў з касы больш за тысячу рублёў і ўцёк.
Неўзабаве міліцыя затрымала нападніка. Выявілася, што гэта 22-гадовы мінчук. Ён патлумачыў, што хацеў такім чынам зарабіць.
На хлопца пачалі крымінальную справу за разбой.
