"Адвязванне" дарожнага сбора ад тэхагляду перанеслі на 2020 год
Аўтамабілі ў Мінску / Еўрарадыё
2019 года не хапіла ўраду для таго, каб змяніць парадак аплаты дарожнага збору. Абмеркаванне гэтага пытання будзе працягвацца. Чакаецца, што "канчатковае рашэнне" будзе прынятае ў пачатку 2020 года.
Адказваючы на пытанне аб дарожным зборы, віцэ-прэм'ер Уладзімір Кухараў канстатаваў, што яго "адвязванне" ад працэдуры тэхагляду па-ранейшаму застаецца актуальнай задачай. "Бо для таго, каб пазбегнуць неабходнасці выплачваць падатак, некаторыя аўтаўладальнікі перасталі праходзіць тэхагляд, чым пагражаюць жыццю не толькі свайму жыццю, але і жыццю іншых", — адзначыў Уладзімір Кухараў.
"Некаторыя аўтаўладальнікі" — гэта, па статыстыцы, ледзь не кожны другі беларускі кіроўца.
Над змяненнем парадку выплаты дарожнага збору (яго яшчэ называюць транспартным падаткам) улады працуюць не першы год. Першыя прапановы на гэтую тэму выказваліся яшчэ ў лістападзе 2017-га! Мінфін збіраўся або адвязаць выплату дарожнага збору ад тэхагляду, або ўвогуле ўключыць збор у кошт аўтамабільнага паліва.
Таксама дарожны збор збіраліся дазволіць аплачваць паэтапна і не за цэлы год. Але колы і цяпер там.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
