Амерыканскі тэлеканал CNN аб'явіў пра набліжэнне канца свету
На яго партале iReport карыстальнік пад нікам Marcus 575 апублікаваў артыкул, у якім распавядалася пра гіганцкі астэроід.
Ён мусіў сутыкнуцца з Зямлёй... 35 сакавіка 2041 года. Нібыта, да нашай планеты з вялізнай хуткасцю рухаецца касмічнае цела памерам з Манхэтэн. Астэроід яшчэ далёка — у 51 млн км ад Зямлі, сцвярджаў карыстальнік. Ён абяцаў прадаставіць падрабязнасці, як толькі яны яму стануць вядомыя. Не прайшло дня, як публікацыя набрала 250 тысяч праглядаў.
Пазней публікацыя была выдаленая з партала. А на яе месцы з'явілася заява тэлеканала пра тое, што NASA абвергла дадзеную інфармацыю.
РІА "Новости" адзначае, што iReport — гэта рэсурс, які CNN пазіцыянуе як своеасаблівую "сацыяльную сетку" для аўдыторыі свайго тэлеканала і яго сайта. Яго карыстальнікам прапануецца дзяліцца навінамі, пры гэтым кантэнт ніхто не рэдагуе.
