Арыну Сабаленка прызналі найлепшай тэнісісткай года
Арына Сабаленка, ілюстрацыйнае фота / Reuters
Жаночая тэнісная асацыяцыя прызнала беларуску Арыну Сабаленка найлепшай тэнісісткай 2024 года.
26-гадовая Сабаленка выйграла сёлета два тытулы "Вялікага шлема" — Australian Open у студзені і U.S. Open у верасні. Таксама яна здабыла два іншыя тэнісныя тытулы ў гэтым сезоне. У кастрычніку наша суайчынніца абагнала польку Ігу Свёнтэк і выйшла на першае месца ў сусветным тэнісным рэйтынгу.
У статусе першай ракеткі свету Сабаленка завяршае год упершыню ў сваёй кар'еры.
У іншых выніках галасавання тэнісных СМІ Эма Навара атрымала званне тэнісісткі з найбольшым прагрэсам, Паўла Бадоса стала "вяртаннем года", Лулу Сан дастаўся тытул "навічка года". Званне найлепшай парнай каманды года атрымалі Сара Эрані і Жасмін Пааліні.
