Беларусь пакінулі больш за тры тысячы іракцаў на васьмі самалётах
Нацыянальны аэрапорт "Мінск" / Еўрарадыё
Мігранты з Ірака ў колькасці 3139 чалавек пакінулі Беларусь на 8 эвакуацыйных авіярэйсах, паведамляе агенцтва "Інтэрфакс" са спасылкай на звесткі іракскай амбасады ў Маскве.
У амбасадзе таксама паведамілі, што за час міграцыйнага крызісу на беларуска-польскай мяжы выдалі каля 175 транзітных пашпартоў тым, хто іх згубіў.
Колькасць мігрантаў, якія застаюцца ў Беларусі, дыпмісіі Ірака невядомая.
Як паведамляла Еўрарадыё, на сераду, 8 снежня, запланаваны чарговы вывазны рэйс з Беларусі — гэтым разам у сірыйскі Дамаск. Яго выканае авіякампанія Cham Wings на самалёце Airbus A-320.
