Беларусь удзельнічае ў новай схеме паставак санкцыйных люксавых аўто ў Расію
Супольнасць чыгуначнікаў Беларусі расказвае, як гэта працуе / Коллаж Сообщества железнодорожников Беларуси
Нягледзячы на заходнія санкцыі ў дачыненні да люксавых аўтамабіляў, іх пастаўкі ў Расію працягваюцца. Пра новы маршрут праз Іран, Туркменістан, Казахстан і Беларусь распавядае Супольнасць чыгуначнікаў.
Як працуе схема
Аўтамабілі, пераважна з краін Еўрасаюза, накіроўваюцца праз Турцыю ў Іран. Адтуль яны перавозяцца чыгуначным транспартам з выкарыстаннем крытых вагонаў-аўтамабілевозаў, якія належаць Літоўскім чыгункам (LTG).
Нягледзячы на санкцыі, уладальнікі вагонаў працягваюць здаваць іх у арэнду, што дазваляе грузу трапіць у Беларусь, дзе адбываецца яго мытнае афармленне.
У Беларусі аўтамабілі афармляюць афіцыйна як прыбыўшыя для мясцовых патрэб. Але насамрэч яны накіроўваюцца ў Расію, дзе знаходзяцца іх канчатковыя пакупнікі.
