Беларускія гандбалісты прайгралі Катару на чэмпіянаце свету
Зрэшты, вынік гульні не меў значэння, бо беларуская зборная ўжо не мела шансаў на выхад у далейшую стадыю першынства.
Гандбалісты мужчынскай зборнай Беларусі матчам з гаспадарамі турніра завяршылі ў Дохе папярэднюю стадыю чэмпіяната свету.
Яны ўпэўнена выйгралі першы тайм, аднак у другой палове гульні каманда як быццам перастала змагацца і пацярпела паразу — 22:26. Такім чынам, беларусы прайгралі на турніры 4 матчы з 5.
Зрэшты, яшчэ да пачатку гэтага матча было вядома, што беларусы вылецелі з чэмпіянату. Надзею на працяг выступаў ім магла даць перамога чылійцаў над бразіліяй, аднак Чылі саступіла.
