Беларускія вышыванкі перамаглі на конкурсе нацыянальных строяў у Кітаі
Беларусь заняла першае месца на штогадовым конкурсе нацыянальных строяў, які прайшоў у Пекіне, паведамілі БЕЛТА ў амбасадзе Беларусі ў Кітаі.
Другое месца прысуджана прадстаўнікам Малайзіі, трэцяе — Расіі.
Беларусы прадэманстравалі нацыянальныя традыцыі, танцавальнае і артыстычнае майстэрства, чым заваявалі любоў гледачоў і высокія ацэнкі журы, гаворыцца ў паведамленні.
Год таму прадстаўнікі нашай краіны ўдзельнічалі ў такім самым конкурсе, але былі другімі.
