Беларускія памежнікі заявілі, што палякі абстралялі пункт пропуску Пясчатка
Беларускія памежнікі сцвярджаюць, што польскія сілавікі абстралялі беларускі пункт пропуску Пясчатка.
Паводле прэс-служба Памежнага камітэта, інцыдэнт адбыўся ў ноч з 10 на 11 красавіка. "Падчас праверкі тэрыторыі беларускім пагранічным нарадам знойдзеныя пашкоджанні сцен пагранічных модуляў, а таксама металічныя шарыкі", — гаворыцца ў паведамленні.
Таксама ў Памежным камітэце заяўляюць, што палякі спрабавалі асляпіць беларускіх памежнікаў страбаскопамі.
Памежны камітэт апублікаваў відэа. На ім — пяць чалавек у вайскоай форме на пункце пропуску з ліхтарыкамі. Адзін з іх стрэліў з прадмета, падобнага да рагаткі, у бок прапускнога пункта. Знакаў адрознення на відэа не бачна і не зразумела, на якім памежным пункце ўсё адбываецца.
Раней польскія памежнікі неаднаразова вінавацілі беларускіх калег, што тыя слепяць іх са страбаскопаў і закідваюць камянямі.
