Белстат: сярэдні заробак у траўні вырас на 6 рублёў
Сярэдні заробак за травень у Беларусі склаў 1 573,4 рубля, паведамляе Белстат. У параўнанні з красавіком заробкі выраслі на 5,6 рубля, або на 0,4%.
Пры гэтым цэны ў траўні раслі амаль удвая хутчэй, чым заробкі: інфляцыя за месяц склала 0,7% да красавіка.
Нагадаем, што звесткі пра заробкі Белстат падае без уліку падаходнага падатку (13%) і абавязковых страхавых узносаў у Фонд сацыяльнай абароны (1% з заробкаў работнікаў). Атрымліваецца, што пасля ўсіх гэтых утрыманняў сярэдні заробак у траўні склаў каля 1353 рублёў.
