Брэсцкія фанаты-неанацысты жорстка збілі замежнага студэнта

Брэсцкая міліцыя затрымала чатырох непаўналетніх хлопцаў, якія жорстка збілі першакурсніка БрДУ. Злачынства было здзейсненае на глебе неанацысцкіх поглядаў і міжнацыянальнай варожасці.

Інцыдэнт здарыўся 19 кастрычніка пасля футбольнага матча “Дынама” (Брэст) — “Гомель”, на якім прысутнічалі падазраваныя. Пасля гульні хлопцы пайшлі ў інтэрнат і там жорстка збілі студэнта неславянскай знешнасці. Перад збіццём яму пырснулі ў твар газавым балончыкам.

Усе затрыманыя жывуць у Брэсце, ім ад 15 да 17 гадоў. Двое ўжо маюць судзімасці за хуліганства. Кампанія адзначылася актыўным удзелам у футбольным фанацкім руху дэструктыўнай скіраванасці і прапагандай ультраправых ідэяў неанацызму.

Юнакам пагражае да 6 гадоў турмы, паведамляе прэс-служба МУС.

Фота: naviny.by