Елку-снегавіка знайшлі ў Белавежскай пушчы — фота
Незвычайная елка на беларускім баку Белавежскай пушчы / npbp.by
Елку-снегавіка знайшлі на тэрыторыі нацыйнага парка "Белавежская пушча". Гэтаму дрэву 45 гадоў, расказалі супрацоўнікі парка. Вышыня незвычайнай елкі — 22 метры.
"Свет дрэваў сапраўды непрадказальны і дзіўны. Звычайна ствол мае цыліндрычную форму, а ў дадзенага дрэва ніжняя частка ствала ў выглядзе кеглі, матрошкі", — распавядаюць ў аддзеле аховы лесу і лясной гаспадаркі.
І заадно рэкламуюць іншыя незвычайныя пушчанскія дрэвы. Прыкладам, на тэрыторыі нацыйнага парка можна ўбачыць "дрэва-трызуб". Такая незвычайная форма ствала атрымалася, калі два дрэвы зрасліся адно з адным.
