Еўра―2016: Іспанія прайграла Харватыі і ў плэй-оф згуляе з Італіяй
У апошнім матчы групавога раунда Еўра―2016 іспанцы нечакана прайгралі харватам з лікам 1:2 і ў 1/8 згуляюць са зборнай Італіі.
На некалькі гадзінаў раней стала вядомая яшчэ адна пара. Польшча мінімальна перайграла Украіну і 25 чэрвеня ў плэй-оф сустрэнецца са Швейцарыяй.
Сёння на Еўра чарговыя матчы групавога этапу. Венгрыя згуляе з Партугаліяй, Ісландыя з Аўстрыяй. Пачатак матчаў а 19-ай па беларускім часе. У 22 гадзіны пачнуцца матчы паміж Італіяй і Ірландыяй, а таксама Швецыяй і Бельгіяй.
