Эйсмант распавяла, за што Лукашэнка мог бы ёй "адкруціць галаву"
Прэс-сакратар Аляксандра Лукашэнкі Наталля Эйсмант — у праграме "Маркаў. Нічога асабістага" на тэлеканале АНТ. Яна выйдзе ў эфір у чацвер, 7 сакавіка, у 21:10. З анонсу праграмы вынікае, што нямала ўвагі ў ёй было нададзена нядаўняй "Вялікай размове". Вядучага Марата Маркава цікавіла, па якім прынцыпе на гэтае мерапрыемства адбіраліся журналісты, эксперты, пытанні і тэмы.
"Калі б я адбірала пытанні і тэмы, мне прэзідэнт проста галаву адкруціў бы", — сказала Эйсмант.
Наталля Эйсмант стала прэс-сакратаром кіраўніка дзяржавы восенню 2014 года. Да таго часу яна працавала на БТ.
