Ежы Бузэк пра "чорныя спісы": Гэта кшталту ганаровага знаку
"Не здзіўлены. Гэта кшталту ганаровага знаку. У Беларусі мусяць шанавацца правы чалавека і дэмакратыя".
Гэта напісаў у Твітары старшыня Еўрапарламента Ежы Бузэк у адказ на з’яўленне спісаў чыноўнікаў ЕС і ЗША, якім будзе забаронены ўезд у Беларусь.
Сваё кароткае паведамленне Ежы Бузэк даслаў у адказ на твіт-пытанне Марты Пшысецкай, супрацоўніцы Офіса Еўрапейскай народнай партыі.
Нагадаем, 21 сакавіка з'явілася інфармацыя пра мажлівае з'яўленне "чорнага спіса" еўрапейскіх і амерыканскіх палітыкаў, журналістаў і парламентарыяў, якім будзе забаронены ўезд у Беларусь. Паведамляецца, што ў спісе знойдзе сваё імя і Ежы Бузэк.
