Праз вайскова-патрыятычныя лагеры гэтым летам пройдуць больш за 13 тысяч школьнікаў
У Беларусі гэтым летам адкрыюцца 138 вайскова-патрыятычных лагераў / LookByMedia
Улетку 2025 года ў Беларусі будуць працаваць 138 лагераў вайскова-патрыятычнага профілю, разлічаных больш як на 13 тысяч школьнікаў. Усяго запланавана 198 змен. Такія даныя прыводзіць Міністэрства абароны Беларусі.
47 лагераў будуць размешчаныя непасрэдна на базе вайсковых часцей, з іх 33 будуць працаваць у кругласутачным рэжыме.
Падлеткі ў такіх лагерах будуць пражываць у казармах або намётавых гарадках на тэрыторыі вайсковых часцей. Яшчэ 91 лагер вайскова-патрыятычнага кірунку арганізуюць школы.
