Форму для беларускіх алімпійцаў зрабілі літоўцы (ФОТА)

На Гульні-2012 беларускіх алімпійцаў збольшага экіпіравала кітайская фірма “361 градус”. Але для зімовай Алімпіяды-2014 выдалі куды больш салідную вопратку (магчыма, грошай на гэта было больш, бо ў Сочы не трапіла хакейная зборная).

Такім чынам, сумкі і заплечнікі  вырабіла беларуская фірма “Галантэя”.

Цёплыя зімовыя боты, красоўкі і шлёпкі скамплектавалі з прадукцыі французскай фірмы SALOMON. Рынкавы кошт аднаго абутку большы за 500 долараў.

Курткі, байкі і касцюмы для беларускай каманды вырабіла літоўская фірма Audimas.

Так выглядае лёгкі двухбаковы пухавік.

У капялюш не сталі ўкрапваць зялёны колер.

Выгляд кепкі беларускага алімпійца не змяніўся з Гульняў у Нагана 1998 года.

Так будзе выглядаць касцюм “на выхад”.

Гарналыжны касцюм беларускага алімпійца: каб на дварэ не акалець у мароз.

Адна з “алімпійскіх” маек. Усяго на кожнага такіх выдаецца чатыры штукі.

Світар і байка.

Перад Алімпіядай-2012 парадныя касцюмы для алімпійцаў прыдумлялі ў Нацыянальным цэнтры моды. На гэты раз касцюм шыюць у атэлье Line A, дзе робяць вопратку для Аляксандра Лукашэнкі. Парадныя касцюмы алімпійцаў, якія будуць у шэра-васільковых колерах, афіцыйна пакажуць заўтра.