Форварда мінскага "Дынама" Плата ў ЦСКА не адпусціў Лукашэнка

Лідэр мінскага хакейнага клуба "Дынама" канадскі форвард Джэф Плат у інтэрв'ю газеце "Прессбол" раскрыў падрабязнасці няздзейсненага пераходу ў ЦСКА.
Плат адзначыў, што яму падабаецца ў Мінску, але ў КХЛ у гульца да 28 гадоў фактычна няма магчымасці распараджацца лёсам. Ім зацікавіўся маскоўскі клуб ЦСКА і вёў перамовы пра пераход канадскага гульца ў Маскву. Па словах Плата, Вячаслаў Фяцісаў звяртаўся нават асабіста да Аляксандра Лукашэнкі з просьбай адпусціць хакеіста ў Маскву. Але беларускі кіраўнік не даў згоды на пераход.