Фота дня: херсонскія памідоры на кірмашы пад Мінскам
Херсонскія памідоры на рынку пад Мінскам / Еўрарадыё
На кірмашы пад Мінскам прадаюцца памідоры з украінскага Херсона, акупаванага расійскімі войскамі. Фота херсонскіх памідораў на беларускім рынку Еўрарадыё даслалі чытачы.
Як бачым, доўга чакаць херсонскіх памідораў беларусам не давялося. І мяркуючы па тым, што кілаграм такіх памідораў каштуе 3 рублі, наўрад ці беларусы адмовяць сабе ў задавальненні іх купіць. Хаця спадзяемся ўсё ж на свядомасць суайчыннікаў.
Баі за Херсон пачаліся ў першы дзень вайны Расіі супраць Украіны. 2 сакавіка было заяўлена, што горад цалкам заняты расійскай арміяй.
