Фотафакт: на саміце G20 Абама і Пуцін паразмаўлялі сам на сам
У турэцкай Антальі на саміце G20 прэзідэнт ЗША Барак Абама і расійскі кіраўнік Уладзімір Пуцін паразмаўлялі сам на сам. Размова працягвалася больш за 20 хвілін. Пазней стала вядома, што яны гаварылі пра шляхі вырашэння канфлікту ў Сірыі.
Яшчэ раней у нядзелю Абама і Пуцін абмяняліся некалькімі фразамі падчас цырымоніі сумеснага фатаграфавання ўсіх удзельнікаў саміту "дваццаткі".
Чакаецца, што па выніках саміта, разам з выніковым дакументам, будзе прынятая асобная заява па пытаннях тэрарызму.
Фота: прэс-служба прэзідэнта Расіі
