Хакеісты "Гомеля" ў экстралізе чэмпіянату Беларусі абыгралі "Нёман" — 3:2
У Гродне мясцовы "Нёман" у экстралізе чэмпіянату Беларусі ў дывізіёне А прымаў хакеістаў "Гомеля". Госці святкавалі перамогу з лікам 3:2 (0:1, 2:1, 1:0).
Гродзенцам, якіх пераследуюць паразы (тры запар да сённяшняй гульні), удалося адкрыць лік у гульні: Антон Елісеенка забіў шайбу на 17-й хвіліне. Другі перыяд закончыўся з роўным лікам 2:2. Апошняя траціна сустрэчы ішла без перавагі аднаго з бакоў. Аднак на 58-й хвіліне гамяльчук Андрэй Коласаў забіў шайбу, якая і вырашыла вынік гульні— 3:2.
Салігорскі "Шахцёр" таксама ў гасцях святкаваў перамогу над "Дынама-Маладзечна" — 3:1. Жлобінскі "Металург" выйграў у "Ліды" з лікам 2:1.
А мінскае "Юнацтва" атрымала валявую перамогу над моладзевай зборнай Беларусі. Пасля першага перыяду каманда Міхаіла Захарава саступала з лікам 0:2. Аднак фінальная сірэна адзначыла восьмую перамогу запар "Юнацтва" ў чэмпіянаце — 3:2.
