Каля расійскай амбасады затрымалі актывістак з "касметычкай "Начных ваўкоў"
Дзвюх удзельніц перформансу забралі міліцыянты і адвезлі ў Цэнтральны РУУС сталіцы.
У Мінску дзве грамадскія актывісткі зладзілі перформанс каля расійскай амбасады. Нагодай для яго стала заява байкера Баброўскага з расійскага клуба "Начныя ваўкі", які сказаў, што польскія памежнікі аглядалі ў іх "касметычкі". Гэтае выказванне выкліла мноства жартаў у інтэрнэце.
Вольга Нікалайчык з Кацярынай Садоўскай прынеслі да расійскай амбасады касметычку, якую яны нібыта знайшлі каля Кургана Славы, дзе прыпыняліся "Начныя ваўкі". Як паведамляе Белсат, у "касметычцы" з эмблемаю расійскага байкерскага клуба былі ў тым ліку панчохі і карункавыя майткі. Ахоўнікі амбасады выклікалі на актывістак нарад міліцыі.
Міліцыянты затрымалі Нікалайчык, Садоўскую і журналістаў, якія былі з імі. Па звестках праваабарончага сайта "Вясна", у журналістаў перапісалі пашпартныя звесткі і адпусцілі. А Нікалайчык і Садоўскую павезлі ў Цэнтральны РУУС Мінска.
