Зяленскі згадаў Беларусь у адкрытым лісце Пуціну

Прэзідэнт Украіны Уладзімір Зяленскі апублікаваў адкрыты ліст Уладзіміру Пуціну. У ім ён прапанаваў расійскаму прэзідэнту асабістую сустрэчу.

"Украіна прапануе скончыць вайну ў фармаце паміж намі і вамі. Я прапаную вам сустрэчу. Усе чулі, як вашы прадстаўнікі, усміхаючыся, казалі, што я нібыта магу прыехаць у Маскву. Але пасля гэтых 26 гадоў украінскаму лідару ў вашай сталіцы, як і расійскаму лідару ў Кіеве, рабіць няма чаго. Ёсць краіны, якія традыцыйна прымаюць лідараў для вырашэння пытанняў вайны і міру. Швейцарыя, Турцыя, краіны Арабскага свету — многія могуць і хочуць прыняць гэтую сустрэчу", — гаворыцца ў адкрытым лісце Зяленскага.

У тэксце гэтага ліста прэзідэнт Украіны згадвае і Беларусь.

"Вы хочаце яшчэ больш уцягнуць у вайну Беларусь, і цяпер мы вымушаныя рыхтавацца да гэтага. Мы бачым, што вы разыгрываеце нейкую партыю з Прыднястроўем. Вашы прапагандысты так ці інакш пагражаюць усім суседзям Расіі. Ці сапраўды вы хочаце прайсці праз усё гэта? Выбар цяпер за вамі. Досыць вайны. Украіна прапануе скончыць гэтую вайну", — гаворыцца ў лісце.

Тэкст ліста быў апублікаваны ўвечары 4 чэрвеня. У Крамлі ў той жа вечар заявілі, што бачылі ліст, але сам Пуцін з ім яшчэ не азнаёміўся.